三條鬼佬茄子切半，喺啲皮𠝹 幾刀，茄子肉嗰面灑上鹽醃佢一個鐘，出咗水後抺乾。茄子肉嗰面上麵粉，肉嗰面向底煎十分鐘。起肉切碎。肉同皮備用.
汁> 四個番茄去皮切粒，煮熟後打蓉。加百里香，月桂葉煮十分鐘. 撈起啲香料。兩粒乾蔥切粒同一瓣蒜蓉炒炒，加埋落番茄度煮多十分鐘。鹽，胡椒調味.備用.
餡＞100 磨菰切粒, 多多parsley碎，三粒乾蔥切粒,兩瓣蒜蓉。全部炒埋一堆至收水. 再加入茄子蓉同一大羹煮好咗嘅茄汁. 鹽，胡椒調味.
啲餡酿入茄子，灑上麵包糠，焗佢廿分鐘。
訂閱：
發佈留言 (Atom)
冇奶油係皮果面鎅刀，通常都鎅肉果面
回覆刪除你咁講，我睇多次先.
刪除冇錯喎,係𠝹個皮。個估係for煎嗰時唔會攣起卦。
鎅肉令佢易熟，皮鎅咗咪破，係唔會孿起嘅
刪除意式釀茄子都係咁，加芝士落去焗
下次玩吓意式先。
刪除睇落應該幾好味
回覆刪除好味㗎，不過太煩。
刪除btw你度有冇呢味餸㗎?
矮瓜釀鯪魚肉，煎香好味又慳功夫，我鍾意食架。
回覆刪除鯪魚肉我度冇喎.
刪除我鍾意梅菜蒸茄子
回覆刪除買到梅菜時試試先。
刪除真係太多步驟，唔多啱我呢啲懶人
回覆刪除太煩了.
刪除點解我第一眼會睇咗"法式浪子"架? XD
回覆刪除kakakakak,係咪閱讀障礙？
刪除呢個係前菜定還是主菜？
回覆刪除而你話太多功夫冇下次，法國大餐「多舊魚」就係咁㗎喇！哈哈…哈哈！
冇講喎,我當主菜食.
刪除多舊魚!!
一定好好食。不過咁多steps，我又懶。
回覆刪除太煩了.
刪除好鬼多功夫喎，我諗我會做中式釀茄子...........hehe
回覆刪除中式釀茄子我整唔到呢.
刪除茄子肉嗰面灑上鹽醃佢一個鐘咁耐？咁啲茄子肉有無變啡色？
回覆刪除冇緊要,煮咗都係變食㗎啦。
刪除又真係幾多功夫，就咁釀咗佢算吧啦!
回覆刪除中式釀茄子我整唔到呢
刪除如果宴客都唔錯,整完砌片再上檯...不過功夫材料就多咗少少~~~
回覆刪除切片啲餡會散，原隻上好啲。
刪除老友...你喺咪想寫法式"釀"茄子，嘛
回覆刪除我食過意式釀笳子...做法差唔多😊😊
Google咗,兩個寫法都啱.
刪除呢個意大利餐廳同土耳其餐廳都有得食，屋企整細份量真係太煩喇
回覆刪除鄉下仔未食過添。
刪除呢味復雜，我D簡單野外菜學唔到呀。。。
回覆刪除野外都係煮啲簡簡單單算啦.
刪除我都係肉果邊𠝹,可以沾實啲肉唔會咁易分開
回覆刪除𠝹肉果邊可以沾實啲肉? 唔多明呢個邏輯。
刪除