Open House

因為冇乜時間,今年嘅Open House只係揀咗四個地方參觀。
9月10近近地去咗隔籬屋睇. (德國friend嚟嗰時問我呢座係咪城堡嚟㗎？）

Margaretenhof呢度係住宅單位嚟嘅。

由劇院建築師Fellner & Helmer設計。1883年開始起。

因為係住宅,入面冇乜嘢可以睇. 個guided tour都只係喺外面介紹。

大堂

...話係有劇院特色。

之後去咗前證券交易所Börse.

去到有啲失望。原來呢度近代被一場大火燒咗, 只保留到外牆同部份嘅hall.

建築師個墓碑copy.

呢度上去就係個古典大禮堂。嗰度香港貿發局每年都租嚟搞農曆年慶祝會。我嚟過好幾次,所以冇上去睇。

星期日去咗市郊一個城堡Wasserschloss Laudon.

唔係呢個活動我都唔知維也納有個水中嘅城堡。

 十二,十三世紀時呢度已經係一個要塞。1744年起到依家咁款。

上圖個亭嘅內部。

60年代呢度活化咗做酒店。但係1976年執鬼咗. 依家變咗政府物業。

平時唔對外開放

 今次有兩間房畀人參觀。

壁畫代表非洲，亞洲，美州同歐洲。

美州有駱駝??。。。。

呢間房冇特別，所以冇帶人睇.

圖書館. 大家相中見嘅係書櫃（依家吉咗)唔係牆.

其中一個收埋咗個暖爐。

最後都係市郊。Künstleratelier Irene Zaharoff.

呢度係藝術家Irene Zaharoff嘅工作室。

建築特色係上下層牆身有個空間。一來空氣可以流通，二來畫咗一幅大作品唔使搬上搬落，喺呢條罅放落去.

門口個閘嘅支架係舊火車站嘅柱。