茶餐廳洋蔥汁豬扒

以下個video教茶餐廳醃豬扒嘅方法。學吓先。

https://www.youtube.com/watch?v=_IvXLkWhkrw

豬扒用少少鹽，水浸三十分鐘。之後用水沖洗幾次，滰乾。

醃肉for約500g 肉＞少少鹽，兩湯匙生抽，少少胡椒，1/4 茶匙雞粉，半茶匙糖，少少蘇打粉，一湯匙生粉，三湯匙水，一湯匙油。

除咗油。將所有嘢撈好。逐少逐少加入肉度直至啲汁被啲肉吸收晒。最後落油。醃過夜。

洋蔥汁＞半個洋蔥切條，一茶匙蒜蓉，湯，一湯匙茄汁，一湯匙喼汁。粟粉埋芡。

呢個我用嚟宴客。西人一食就話係香港豬扒, 因為呢度西人唔會醃豬扒嘅。

而洋蔥汁我唔係好記得茶餐廳嘅係乜味，因為我鍾意食阿媽嘅洋蔥豬扒多啲，所以喺出面極少叫嚟食。