Třeboň

7月29 呢個trip最後一站Třeboň (德文Wittingau)。

嚟呢度主要係返維也納前去入貨。見有時間就行埋個舊城。

點知唔記得寫低個地址喎。我手機漫遊上網係超慢（可以話係上唔到網）。於是喺呢度個town hall前黐佢個free wifi用吓.

喺tourist information度借筆，寫低地址。再玩吓佢嘅印仔.

上次嚟好多人排最後冇買到嘅麵包卷。今次冇人。50 CZK一個咋,烘熱咗嘅. 大熱天時都照買嚟食。

兩年前九月嚟,感覺當時冇咁多人。

城堡中庭呢日有個小市集。

城牆。

都唔知舊城外有一個湖。

啤酒廠

喺舊城發現一條小巷。

出發時話捷克肺炎感染數字回升（每日新確診人數多過奧地利），捷克政府有新防疫措施。但係目測冇人帶口罩，一個月前入舖頭都仲要㗎。

講吓入咗乜貨啦。次次買嗰啲唔影嘞。

今次仲買咗古力奶（好杰，我like），Jack Daniels嘅BBQ醬, 炸豬皮（好食），支裝古力煉奶（google咗, 本地人係就咁唧落口食。亦可以開奶飲.  但係唔好味嘅，下次唔買），濃湯寶（奧地利冇）。