Gasteinertal

 8月12襯有成多過一星期唔使返office (work from home)。咁又搵地方去啦。今次去番兩個月前嚟過嘅Gasteinertal地區。

Btw 據講呢度嘅遊客主要嚟自德國，荷蘭，瑞典，丹麥。

首先嚟到Bad Hofgastein.

去咗間cafe飲嘢。但係服務超慢。

經過mini golf場。

吊車安排另一日先搭。

 今次book咗五晚喺Böckstein一間酒店嘅apartment。

呢度我可以形容係避暑山莊。喺廿幾三十度嘅日子間房係好凍，夜晚要開暖氣。

呢間酒店自誇有自己嘅泉水。

石碑話1908年有醫生認證對身體好。可是味道同普通水喉水冇分別（可能因為奧地利水喉水已經係礦泉水），但係超級冰凍。炎夏啱晒！

 附近有個18世紀金礦嘅火藥庫。

 酒店附近仲可以玩淘金㗎。

離酒店冇幾遠嘅山上有一間天然氡氣（放射性氣體）療法中心Gasteiner Heilstollen。  

 

呢度係喺四十年代開金礦時發現。

氡氣療法可紓緩痛楚，消炎等。

據資料病人着泳裝，搭小火車入到去深山嘅山洞。然後瞓喺嗰度吸仙氣（等肺部，皮膚自然吸收）。可惜我stay咁多晚都fully booked，冇得試。

 

但係呢個trip嘅最後一日新聞話醫療保險因疫情唔再送病人到呢度治療。間中心會唔夠客，要被迫關門。

                                        

8月13 呢朝嚟到Bad Gastein嘅郊區Kötschachtal。

呢條村唔係居民，酒店民宿住客唔可以揸車入。村口停車場有個紀念18XX年一位公主喺呢度被人救咗。

條村嘅大酒店閂咗門，又冇餐廳。

嚟呢度係因為呢日有個小型音樂會。由停車場行去要廿五分鐘。

一路行一路睇吓風景都唔錯。

瀑布有好多水。

約七十年前呢度雪崩，埋咗條村。所以有呢個嘢紀念。

天然冷氣。伸手喺洞口會feel到冷氣吹出嚟。

原理係咁。。。。

有指示牌，唔怕行錯路啦（你估）。

喺村口唔想行入嚟，其實可以坐馬車。

有群牛行過。而隻狗就不停吠。呢個情況係最危險嘅（呢度好彩有圍繩）。

因為咁樣啲牛會發惡衝過嚟，早早早前奧地利就試過有德國遊客被撞C，個牛農要賠唔知幾個百萬歐。

終於去到音樂會會場。因為已滿座（限聚令，座位唔多）冇入去，但睇住工作人員居然收起個指示牌。如果我後面仲有人想嚟呢度又唔見個牌繼續往前行，可能行到入深山都未定。

回程望吓啲草泥馬。

返apartment嘅路會經過Bad Gastein嘅高處。

之前介紹過鎮中心十室九空有個瀑布嗰個鎮呢。

遠處嘅Bad Hofgastein。

鎮中心瀑布嘅瀑布口。

就係咁一路流經鎮中心。

呢日黃昏嘅節目係喺Felsentheme Bad Gastein浸溫泉。

防疫措施我覺得唔多夠，因為擺放唔多搓手液。泳池（溫泉）水溫只有約三十二度。

 

桑拿區偷影。

 

8月14 呢日天氣報告話會落雨。所以呢朝去咗喺Bad Hofgastein嘅一個溫泉Alpentherme Gastein。

封咗啲lockers，保持社交距離。

天氣居然係好好。好多人呢。

兒童池。

戶外池水只得廿五度。

下圖左下就係桑拿（天體）區。

呢度嘅桑拿房都幾多，又大。印象唔錯。

喺桑拿區只係偷影咗一幅。