突圍而出（巡）- Munich

終於嚟到旅程嘅最後一站喇，大家悶C咗未呢？

12月5 到咗慕尼黑。呢度係last minute先book嘅。

話說返維也納嘅路上要搵一笪地方過夜。一定要經過巴伐利亞州。而呢個州係德國疫情重災，防疫措施比較嚴格.  Book 咗嘅Berchtesgaden 因為封城去唔到。去其他地方隨時亦會遇封城。唔封嗰啲去博物館嘅話又要有陰性檢測。

咁就last minute睇吓邊度未封而我又冇博物館想去嘅地方。。。慕尼黑，因為都嚟過幾次。

（Tiffany Blue）

巴伐利亞洲最早取消聖誕市集，所以舊城聖誕氣氛唔濃。

見有人圍觀，先醒起德國有聖誕櫥窗睇。

12月6返維也納之前一定要去入貨啦。搵到市郊一個有我想去嘅舖頭同超市嘅mall。

點知喺舖頭買唔到嘢，超市又喺mall 嘅另一邊（ 個mall 超大），重點係只有一個鐘免費泊車（冇幫襯冇得免）。走人啦。

於是去咗超市嘅另一間分店。（每次回購嗰啲冇合照）

KFC 炸雞味薯片唔多似。古力曲奇冇特別，冇下次。

蛋卷好味。Bahlsen出嘅Stollen係我食過最好食嘅。煮餸裝飾嘅食用乾花未用。

Mon Cherie 新出嘅伏特加版。中伏！

伏特加嘅只有中間嗰行。佢又冇呃你喎（只係誤導你），封面佢印咗兩款嘛。

今年我突然鍾意買胡桃夾子。呢兩個喺德國買嘅廉價貨應該係made in China。

（今年喺維也納我亦買咗兩個廉價貨）