突圍而出（巡）- Stuttgart 1/3

12 月3 嚟到斯圖加特. 呢度已經係第三次嚟喇。Plan行程時主要係想睇吓啲聖誕市集。

但係到埗前一日呢度所在嘅巴登符騰堡州因疫情緊急煞停所有聖誕市集。諗住嚟到冇嘢睇啦。點知仲有零零星星嘅檔口喺度喎。

目測只係冇熟食檔，熱酒。

日頭喺Schlossplatz廣場睇燈飾。

仍然有聖誕氣氛。

只係冇咗聖誕市集嘅氣味。

檔口冇咁密集。

因為呢度之前嚟過，熟地頭，所以呢日主要活動就係shopping嘞。亦係想避開週六嘅聖誕購物人潮。

入每間舖頭都要check健康碼。感覺德國人好認真，要睇埋身份證明。所以好多舖頭前都見一條小人龍。

封城前奧地利都要求有健康碼先可以去shopping，相反舖頭職員係冇權睇你嘅健康碼。

行街經過一間連鎖亞超。港貨唔多。