年尾喇,嚟個大事回顧先。
話說我係喺疫情重災嘅行業,依家仍然係政府保就業計劃中嘅一員。每週需工作平時10% 嘅工時,人工只係減啲啲 (公司只支付10% 嘅人工,政府津貼餘下。條件係公司唔可以炒人。)
(網上圖片)但係喺十月尾時,百年一遇,我需要喺假期,夜晚,週六,週日開工。
奧地利勞工法例 >假期,星期日,夜晚8點到朝早6點人工雙計。星期六下晝一點後時薪多50% (各行業會有唔同)。到十一月中check工時月結時發現喺嗰幾日冇跟平時人工雙計噃。
咁問個掃把啦。佢話我哋係保就業計劃嘛,平日已經返少咗工,假期呢啲唔會畀多啲人工你㗎。
本地人覺得理所當然嘅嘢,喺外國人眼中就覺唔妥。
我呢啲識鑽法律罅嘅香港人會諗。。。如果我係呢行嘅老闆,因同啲客有時差,文化差異關係,就會叫部份員工假期,週日,夜晚先返,唔使補水啦。冇奶油奧地利保護員工嘅政策會差過香港格。唔信!
我斯文人唔同掃把拗。於是email 問工會。回覆當然係我啱啦。補水嘅法例依然存在。
撻個回覆畀會計部睇。會計部同意畀番有關嘅OT錢。解釋話月結嘅系統冇預計有人會喺保就業計劃期間OT。
但係我嘅同事都同我一樣有OT喎,似乎冇人出過聲,咁我要為佢哋出頭啦。Email 畀掃把個掃把話佢知咁咁咁。
掃把個掃把冇回應,只係我被掃把照肺。佢話全公司係得我一個追討OT錢。其他同事都好感恩公司保留到個職位畀佢哋,所以唔會同公司計較呢啲錢。嘩!咁奴性嘅說話都講得出。我仲以為自己仲喺香港添。
之後問咗一個同事係咪同意咗做義工。佢話冇喎。有OT錢佢當然要啦。
之後再email 畀掃把個掃把,指出掃把嘅胡言。如果我係佢個位,我會點做點做。亦叫咗相熟嘅同事做佢哋應做嘅嘢。
我好似變咗搞事份子添。遲啲可能喺公司被消失。
你好想食燉冬菇。會唔會因小失大呢?
回覆刪除有工會撐腰係唔同啲。
Happy New Year 2022 😁🎊🎇🎉
咁又冇奶油被剋扣工資㗎。
刪除Happy New Year!
祝新年快樂!🎉
回覆刪除你都好勇..
Happy New Year!
刪除睇唔過眼掃把誤導同事。
以你為榮👍
回覆刪除新年快樂🎉🎊
Happy New Year!
刪除新年快樂!
回覆刪除Happy New Year!
刪除你冇做錯!
回覆刪除好多香港人就係太鵪𪂹.
Happy New Year!
刪除香港咁做一定被人炒。
新年快樂呀!
回覆刪除Happy New Year!
刪除嘩!你呢個回顧好精彩呀!就算追討成功會唔會有後遺症架😅
回覆刪除Anyway,新年快樂
Happy New Year!
刪除呢啲係僱員權益,唔理得咁多。
新年快樂!
回覆刪除嘩!果然好勇,連掃把也咁篤埋,勁呀!佩服佩服!
Happy New Year!
刪除其實西人嘅階級觀念冇咁強。佢做得唔啱當然要出聲。
你辛苦啦。
回覆刪除祝你身體健康,新年快樂。
我們新曆過年啊。
新年明けまして おめでとうございます。
刪除取回應得的,應該!
回覆刪除咪係.
刪除為民請命....愛民如己XD
回覆刪除王子就快做國王。
刪除祝你:新年快樂!身體健康!
回覆刪除Happy New Year!
刪除祝新年快樂 事事如意
回覆刪除好多掃把都會當左間公司係佢咁架
係囉,好似盤生意係佢嘅咁。
刪除你係疫情的重災區行業,真係要保重,人在他鄉有乜事冇咩保障...
回覆刪除我已經係本地人嚟㗎喇,乜保障都有,唔使擔心。
刪除好型吖你!
回覆刪除但换作係我,我都會出聲(我阿頭就成日俾我嘈)... 畢竟係自己應得嘅~
係囉。無理要求就話啫。呢啲係我應得㗎嘛。
刪除