睇騷

 4月26 友人請我去Volksoper 睇音樂劇Cabaret。

呢齣劇係德英夾雜，話我易啲明。

但係睇睇吓我瞓咗。哈哈。

Cirque du Soleil太陽劇團又嚟咗維也納。今年要自費，所以買咗最cheap 嘅位，喺舞台嘅右面。

4 月26當日，諗住係入口喺平時嘅位置。點知搬咗，等我行餐C，七點半搞到我真係七點半先到。好彩仲有大把人係門口等安檢中。

坐咁側其實都唔係太差，因為個舞台會轉嘅。

劇目Luzia。

啲雜技舊酒新瓶啦。但係仍然好吸引我。

影到呢度，職員嚟話唔可以用相機。。。。

紀念品唔多吸引。

最後買杯可樂做個紀念。一杯可樂6 歐。

明明可以影相。憤憤不平，於是問點解啦。原來我相機聚焦時發出強勁綠光，影響演藝人員喎。

4月27 去睇演唱會。

話說個friend係Avril Lavigne 嘅粉絲。佢問我陪唔陪佢去睇演唱會。但係我只識佢初出道時啲歌。。。都好啦，我喺維也納都未去過啲演唱會。體驗吓都好。

雖然佢係粉絲，但係啲嘢太貴買唔落手。

8 點開場。。。乜咁少人嘅?? 買飛時好多位都賣晒個喎。

Opening act 唔知係乜水。唱咗廿分鐘。

之後係休息。9點 Avril Lavigne 先出場。呢個時候啲人先陸陸續續入場。

可能佢哋已經知道演唱會係會咁樣。

好彩其中唱咗啲首本名曲，我唔會悶。

我哋買最平嘅山頂位。想豪畀佢都唔得，因為貴啲嘅飛已經售罄。

邀請觀眾上台跳舞。

唱咗個半鐘就完場嚕。

噏撈咗條片。可惜第一首歌好似播唔到。