維爾紐斯 - 郊遊 (上）

維爾紐斯比想像中細，頭兩日都差唔多睇晒要睇嘅嘢。咁呢日4月22 要搵啲地方去吓。

見天氣好，決定去Trakai。 （旅遊局官網介紹嘅）

搭火車半個鐘，單程車費唔使三歐。又係好鬼平。（圖中係維爾紐斯火車站）

一出火車站就係一個湖。

Google 帶路。

有幅古畫對照呢個位以前係點。

Traku istorijos muziejus 歷史博物館。（冇打算入）

似係傳統木屋。樓底好矮。

行咗半個鐘，終於到喇。

Trakai Island Castle

畫中嘅城堡依家重建中。

古代貨幣。複製嘅錢罌。

島上出土嘅暖爐殘骸。

出土嘅錢幣。

用銀幣砌成嘅器皿。

多數係德國，瑞典，俄羅斯製。

原本呢度係一個廢墟。

19 世紀開始重建。

比較以前同依家重建用嘅建材。

立陶宛人嘅祖先有啲係嚟自土耳其。

城堡內有啲房可以參觀。當然唔係原本喺城堡㗎啦。只係博物館嘅收藏。

煙斗展覽

歐洲有咗瓷器之後，煙斗嘅煙頭就開始採用。

Meerschaum 製作嘅煙頭。

圖章展覽。