月餅

同鄉收到香港物資.送咗個畀我.係我至愛嘅品牌.第朝當早餐,差唔多成個食晒.

月餅我鍾意食,特別係四黃蓮蓉月.而呢個品牌啲黃多數流油,正!
講講吓其實我可能係鍾意食鹹蛋喎.

另外我見呢度中超都有月餅賣喇.大部份都係大陸貨,唔敢買.但係居然見有榮華,€18一盒,心大心細,買唔買好.因為唔係我至愛嘅品牌囉.最後都冇買.定係我唔應該咁奄尖呢.我呢度有港貨已經偷笑.