Hinterbrühl bei Wien

10月14 星期五去咗維也納附近嘅Hinterbrühl bei Wien 主要參觀Höldrichsmühle呢間酒店。

喺我個blog酒店通常都唔開名嘅,但係因為呢度係遊客景點，例外啦.

上圖呢個位就係舒伯特首"菩提樹"曲中嘅水井同菩提樹.
(可惜呢度冇嘢係original，樹係重種，建築物係重建，因為二次大戰時炸咗)

古畫中當時嘅建築物外貌。

 酒店有自家手信, Schubert-Torte.

係我最怕食嘅罂粟籽.中伏！

自家甜品.Milchrahmstrudel

 喺呢間酒店有乜好做呢? 其實呢度附設騎馬學校。

了解一吓一個畀管理層進修嘅課程。

從同馬嘅溝通，學習改善同下屬嘅溝通。

我最怕啲馬臭味,當然冇參與啦.

另一喺呢度可做嘅係踩mountain bike，酒店可以安排租車。

我平地都唔識踩，踩乜鬼mountain bike. 但係行樹林時真係見好多人踩㗎。

咁樹林又有乜好行呢? 因為呢度有一條舒伯特行山徑。行山又唔啱我嘅。嚟呢度好似運吉添.

Btw有冇人學過"菩提樹"呢首歌呢? 我就唔識嘞。見台灣人喺小學時有學。