Utopenec 醃香腸

話說早前嗰個Design Week嘅捷克design展係有嘢食招待㗎。其中一樣係醃香腸，我覺得好好味,於是問人捷克文係乜, 返屋企search食譜。 
Utopenec我食嗰個版本係有茄汁嘅，google圖片只見一個網購嘅。於是翻譯捷克文茄汁係乜,終於搵到呢個.
http://recepty.vareni.cz/rychli-pikantni-utopenci/

兩條Knackwurst腸去皮,一開四,一個洋蔥切片.一層腸一層洋蔥放入樽內備用. 
醃汁> 5湯匙醋，兩湯匙芥末,一塊月桂葉，4湯匙茄汁,15湯匙水,4湯匙喼汁,4湯匙油，少少辣椒碎，少少鹽，少少肉桂,少少丁香，少少肉豆蔻。
除咗茄汁,所有材料放入煲內煲滾。待涼後加入茄汁. 就可以用嚟醃腸仔喇。 醃最少三日.

急不及待，三日後就開嚟食. 個汁比人哋嘅杰咗啲，而腸仔人哋嘅醃到冇咗味,反而我呢個正啲。