購物篇

我嘅購物咪即係去超市囉.
Maastricht間亞超買港貨係指定動作。
嚟個小合照先。次次都買個啲唔影lu.

法國買嘅米片。原來同佢嘅薯片同一口感.只係少咗薯仔味.

荷蘭亞超買嘅日版可樂。

法國版可樂見到都有買，但係除咗法文就冇乜特色。

荷蘭綠色沖水飲嘅糖漿。看圖識字，再加荷蘭文斷估冇痛苦。應該係布冧。

法國某間超市有西班牙食品section.
我唔食魚但又鍾意食西班牙呢隻魚. 一條條白食,乜魚嚟呢?  我估都有成十幾年冇食過.

我呢邊唔係冇,但只係喺啲水貨零食店先買到。可惜貴到我唔捨得買。喺荷蘭見有,即買啦仲使問.

北京填鴨味我呢邊未有. 其實係食填鴨時搽嗰隻醬。

Cassoulet 勾起十年前南法之類嘅回憶。

荷蘭超市都幾多印尼嘢買。呢包湯我覺得好味. 應該係花生醬番茄湯，入面有芽菜同馬蹄粒.

德國超市見嘅果jam. 
蘋果芒果泥, 南瓜籽泥未見過未食過買嚟試吓.
南瓜籽泥開咗. 好濃郁嘅南瓜籽味.但唔知點用.

蛋糕仔同糖都係買番公司嘅手信。(雖然奧地利人係唔興咁做的。我當係收買人心啦。)
左下係香港某檸檬茶嘅雪條模。1歐。喺香港係咪贈品嚟嘅呢?

就快到期，半價唔使十歐嘅蛋卷。

法國買郵票好方便的。唔使溝通，郵局一pack pack pack好晒，好似去超市咁自己揀就得。

喺法國亦買咗兩件T.

因為係爸爸節，第二件半價。有大人同小童碼，可以父子裝㗎。（因為推廣牌全寫法文，斷估，再用英文問sell屎。佢又肯用英文回答。）