Ausseerland 地區

 6月12  一行四人去渡週末（自製長週末）。友人話book喺Grundlsee湖嘅呢間酒店。

一間間屋都係酒店範圍。房間都係apartments。
 

 酒店賣點係有個無敵湖景。（呢日天氣不穩定）

見酒店晚餐都幾貴。於是睇吓鎮中心有乜好食啦。

呢間價錢正常。（奧地利標準＞主菜13-15歐正常。8歐叫平）

由餐廳行幾步就到湖邊。

埋單時有個小插曲。入去之前已經問收唔收卡.（奧地利好多餐廳只收cash*，但係疫情就多咗收卡）友人負責埋單，但係試咗好多張卡都唔得。係咪鄉下地方刷卡機接收唔好呢？侍應姐姐話線路冇問題喎。於是我請纓等我嚟，都係唔得。冇奶油係密碼or信用額問題。另一個friend又試都係唔得。咁唯有揸車去搵ATM啦。等嘅時候睇吓即時新聞又冇話奧地利付款系統down咗喎。

最後得出一個陰謀論，因為佢老闆唔喺舖頭，收現金可以落櫃桶底。。。。

*德國，奧地利人鍾意用cash係因為私隱大，唔會畀人知你去咗邊度消費。

第二朝搬去另一間酒店前就喺附近四圍遊吓車河。

某酒店門前嘅水仙花節嘅花車支架。

因為疫情，舊年同今年水仙花節都取消咗。啲花都變咗乾花。

嚟到山中嘅Blaa-Alm。

餐廳好多人。有啲著晒民族服裝。唔知有乜喜慶。

 

之後上咗去鹽礦（我以前嚟過，所以冇入去）。呢個係納粹黨收埋偷番嚟啲名畫嘅地方。

位置睇到呢個區知名嘅Loser山峰。