Grüner Pass 奧國健康碼

奧地利萬眾期待嘅Grüner Pass (green pass) 終於出爐（原先話6月1推出，技術原因要20號先搞掂）。

呢個可以話係奧地利版嘅健康碼。但我覺得好落後囉.

 

首先要申請手機簽署(德文Handy Signatur) 先可以登入強制醫保嘅頁面。

 

而申請呢個簽署又要有稅局嘅log in先得。

 

好嘞，登入到喇。個健康碼其實係一封pdf 嘅信件，上面有個大QR code. 呢封嘢可以print出嚟或download 喺手機。

餐廳，酒店要用個app (暫時未有，要上網頁）scan個code，OK嘅就會係綠色，附有姓名同出生日期畀人核對。話說呢個係歐盟嘅標準。

 

以我嘅經驗，（之前未有code，只有信件證明時)餐廳就只問你有冇健康證明，有就得，唔會check. 只有酒店好認真咁去核對啲資料。

我唔明點解唔整到好似大陸嘅健康碼咁. 呢個版本要再搵人手去scan 個code。阻晒啲時間.