豉汁炒蜆

舊blog重post。 話說呢篇放錯過咗嘅日子，可能有blog友未睇過。 。 。

 

蜆，係西人超市只有一間有賣冰鮮嘅。細細包又超貴。所以冇買過.有日發現亞超原來有急凍嘅賣。買嚟試試整豉汁炒蜆先。

https://www.youtube.com/watch?v=P20gErKG5fU

一個乾蔥蓉，兩瓣蒜蓉，一湯匙豆豉，半湯匙豆瓣醬，胡椒，一湯匙豉油，一湯匙老抽，一湯匙蠔油，一茶匙糖。 

蜆用水浸一個鐘。然後落滾水滾一分鐘等佢開口吐沙（我嘅解凍後打開真空包即刻隻隻都開咗口，所以冇拎去滾）,備用。

炒香乾蔥蒜蓉，落豆豉同豆瓣醬，其他調味。饌酒。蜆回鑊。加少少水,最後埋芡。

個汁係好味. 但係啲蜆係預期嘅冇鮮味。 應該唔會再買。