Bad Ischl

7月17 呢日嚟到都算老地方嘅Bad Ischl。到埗時落大雨。好彩食完飯就停咗。

呢日Kaiserpark開放日，免費入場。 但係相中呢間博物館仍要收費。

公園度有個民族服裝嘅展覽就免費嘅。但係見要行上山，唔睇嚕。

河水水位好高。

Bad Ischl如果有活動啲酒店都幾貴。今次揀咗一間喺市郊嘅寄宿學校入住。 

（相中係旅遊業訓練學校）奧地利有啲寄宿學校喺暑假時會轉做酒店招客。

寄宿學校附近

落大雨都冇點四圍行，夠鐘就去睇輕歌劇。

有大樂隊。

劇目係Der Zarewitsch (The Tsarevich)

故事有啲時空錯亂。講沙皇年代，但係去意大利旅行會有人selfie。

7月18 下晝有另一齣劇睇。Check out咗就去彌撒坐吓。之後食個lunch。行吓就食個tea。終於磨夠時間。

劇場。

之前話有個民族服裝展覽嘅。城中嘅長椅配合埋個展覽，畫咗民族服裝布料嘅圖案。仲有問題check你睇完個展覽識得幾多。

椅背有答案。

中場休息。

下半場開場前發生咗小插曲。話說坐隔籬嘅C9搬咗去坐後面。咁我就坐佢個位啦。佢居然叫我坐番我個位。佢換位係因為睇得清楚啲喎。你自己換位而我就唔可以換！都唔知係乜道理。睬你都生芒果。

呢日劇目係 Die Csárdásfürstin

男角有啲矮。唔多襯其他演員。

啲茄哩啡原來係同一班人。嘩！一日係呢個角色，第二日另一個角色。好似精神分裂咁喎。。。。

睇完就返維也納。

公路公廁有個新嘅滿意度調查嘅機。隔空撳掣。