Salzburg (下)

 今次喺Salzburg住喺中央車站斜對面嘅酒店。

火車站附近我只係第一次嚟時行過。十幾年後，變化都幾大。

揀呢間酒店係因為佢有個推廣。你屋企有幾大，每房每晚連早餐就畀幾多錢。

舉個例＞ 如果屋企係50m²，就50 歐一晚。四星酒店對城市人嚟講係非常抵！  

訂房要等酒店回覆（我估住棺材房嗰啲一定會話full booking冇房）. Check in 時話要提供屋企大小嘅證明，例如租約（最後係冇人check）。

香港咁多劏房，呢個優惠香港應該唔會有酒店有樣學樣。

我未係放假，要WFH㗎。只係home搬咗嚟Salzburg 啫。

嚟Salzburg主 因自己想嚟聽講座。

有一晚有歌唱表演。

喺巴士見一棟幾現代嘅建築。原來係室內泳池。

Stay咗三晚，幫襯咗三次。

紙嘅玩具。。。七月。。。燒畀人玩嘅？咁大吉利是唔知香港有冇出呢？

Original莫札特古力。 嚟Salzburg一定要買啦。

一粒1.50歐。十粒16.50歐。。。邏輯有啲問題。但係十粒會有隻蝴蝶裝飾。我就買八粒算。