Prague 下

 7月9 離開布拉格前去埋呢間超市朝聖先。

話說睇得多移英港人嘅Vlog。介紹呢間超市買急凍貨。原來布拉格都有分店。

急凍貨我只可以齋睇。帶唔走。

好多英國貨。

乾貨都有。

其實7月8傍晚亦有一間舖想去。落狗屎都阻唔到我。

熟唔熟口面呢？

上網睇過話呢度都有食品部我先嚟㗎咋。

豬仔軟糖我喺香港時好多時都買㗎。但係唔記得睇吓啲茶葉添。聽講佢有一款茶好似香港茶餐廳嘅茶香。

OK。講吓鄉下仔捷克嘅發現先。

喺三間酒店都見咁樣嘅煎蛋。

好耐冇見嘅都市日報, 布拉格地鐵。

布拉格每個地鐵站出口都有搓手液。維也納要學吓啦。

另一樣維也納要學嘅。夜晚禁止喺街上飲酒。

酒店附近有間HK餐廳。名字太過親切，入去八吓啦。店面都係西人。廚房掛咗幾隻乾噌噌嘅燒鴨。

講開餐廳。布拉格第一餐喺酒店附近食。啲嘢好好味, 可惜埋單時個侍應話小費未加㗎，通常收10%啦。嘩！你當我傻㗎。以我認知嘅歐洲大陸係冇規定要畀tips個喎。見我成個遊客樣就想呃我！我就一個仙都唔畀你。

我覺得呢度嘅行人路好有心機砌圖案。