肉巻きおにぎり (肉捲飯糰)

肉捲飯糰我係好耐好耐之前睇一個香港youtuber個日本老婆煮先認識嘅。當時佢好似用咗一隻現成醬料。我費事去搵，於是就搵咗以下呢個食譜。

https://www.youtube.com/watch?v=qA3A5zgPyNg

有咗食譜仍未動手，因為豬肉片只有亞超先有賣。我就唔會喺亞超買急凍肉嘞。所以一直等到自己買咗豬腩肉，自己用機切薄片先整。

煮好嘅壽司飯 350g 用豉油，芝麻撈好，待涼。搓成一糰糰。

(270g 肉片) 用肉片捲住飯團，轉90度包埋仍然露出飯嘅一邊。上麵粉，好似煎餃子咁落鑊煎熟。

三湯匙豉油，三湯匙酒，兩湯匙味醂 ，1.5湯匙糖 ，一茶匙蒜蓉撈好。落鑊煮滾。

飯團沾上醬汁，灑上芝麻（我唔記得）。

話呢個飯團冷熱佳宜。我就特登攤凍先食，試吓啱唔啱帶去picnic。。。。結果係picnic食物又多一個選擇。