疫情版Donauinselfest

維也納每年都有一個大型活動Donauinselfest, 會喺多瑙河人工島上搞免費音樂會（本地同歐洲有啲啲名氣嘅歌手喎）。所以吸引好多人去睇㗎。 

舊年因為疫情，演唱會取消咗。取而代之係喺唔同地區搵本地歌手表演。但係又唔想人群聚集喎，演出地點last minute先喺社交媒體公佈，所以我舊年冇睇過。

可能依家啲人習慣咗與病毒共存。今年雖然都係冇咗演唱會，都係各區搞,  但係就有晒schedule。知道邊日有乜嘢表演。

8月27 去咗中央火車站。

呢日有Wiener Staatoper on tour (維也納國立歌劇院嘅巡演)。

唱嘅歌劇都係大家耳熟能詳。

仲有故事內容㗎。話說女角搭嘅巴士死火。

修車佬嚟整車。

呢位觀眾好似冇乜興趣。

一見鍾情。

互動。叫人揈手。

有一班小朋友好投入㗎，似係做媒。

咦？有嘢派喎。

冇執輸。

 又叫人一齊唱。

謝幕。 唱咗約三十分鐘。

袋嘢入面有乜呢？

有一本都幾有歲月痕跡賣唔出嘅瑜伽書，飲料，太陽鏡，歌劇院宣傳單張。仲有最有用嘅洗手液。

9月1晚又嚟捧場。地點Reumannplatz。

話八點開始，但係遲咗約半個鐘架巴士先到。

泊位

set場

等梗嘅時候表演者同粉絲抱抱。

射燈喺地下。所以好多時都睇唔到樣。

佢係菲律賓裔嘅維也納人。今年佢代表咗奧地利參加歐洲歌唱大賽。

佢不紅不黑，所以我只識佢兩首歌。

 

小朋友喺到跳舞。 呢次散場冇禮物派，失望。

9月8 難得要OT。放工回家路上順便睇多次歌劇。

有啲地點同時放咗部流動疫苗接種中心。

之前咪話有一班做媒嘅細路嘅。原來佢哋歌劇院兒童班嘅學生。