餐廳週 Restaurantwoche

維也納每年都有兩次嘅餐廳週 Restaurantwoche。Join咗嘅餐廳會推出15歐兩道菜嘅lunch and/or 30 毆三道菜嘅dinner。

8月31晚受邀到一間比較新嘅餐廳試食。佢係一間酒店餐廳，新裝修但係保留咗以前嘅牆身同門口（典型嘅奧地利百年cafe模樣）。

星期二晚嚟，目測只有五六枱客。個個都係叫呢個set。

帶子配一啲類似蘿蔔片嘅嘢。

半隻鵪鶉 （奧地利菜賣相總是深色的。啡色汁再配嗰碌黑色嘅嘢）

底下收埋咗一塊鵝肝醬麵包（食唔出鵝肝味）

甜品係呍呢嗱雪糕配南瓜粒同南瓜子。

呢個價錢OK啦，唔算抵。但可以食到平時屋企唔會點煮嘅嘢囉。

9月2自費去咗屋企附近間餐廳食lunch，佢都join 咗呢個活動。

呢間間唔中我都幫襯，因為冇伏。但係價錢唔算平，set lunch加一杯汽水就差唔多廿歐。

 

奧地利餐湯通常都係牛肉清湯，我揀咗配一舊semolina dumpling。

 

主菜係炸雞。我鍾意呢間嘅炸嘢唔會甩外皮。