Klang Welle 音樂噴泉

8月26 晚嚟到Laxenburg castles。

Castles 係眾數係因為城堡中再有城堡。由大門行到嚟Franzenburg呢度要廿幾三十分鐘。

嚟呢度係因為有贈券睇一個奧地利新嘅活動。。。期間限定嘅音樂噴泉。

遲咗15分鐘都未開始。於是有人拍手催佢開場 (奧地利催人開場嘅方式)。

開場好似睇戲咁要睇咗廣告先。

上半場係配合古典背景音樂。

有 live。

嚟嚟去去啲水柱都係咁扭。睇到呢度開始覺得悶。

上半場約三十分鐘。

中場休息廿分鐘。

八月尾啲人冬天褸已經要出動。呢日其實有17度，但係空曠又大風，我著咗件T，長袖衫再加秋褸都未夠。最後著埋雨褸先得。

下半場係流行曲。

打鼓擊出水花。

好想佢噴多啲火，因為嗰刻好暖。

有人雜耍。

w

我嘅飛原價要39歐。睇過一次我估如果下年有我唔會畀錢再睇囉。

呢個宮平時夜晚係唔開嘅, 所以個後花園係冇照明。

散場時雖然大會安裝咗啲射燈，但係都唔夠光。我要開手機電筒行返出大門口。前面嘅嬸嬸多謝我幫佢照埋添。