2021年10月16日星期六

Vienna Design Week

Vienna Design Week顧名思義係只有一個禮拜。所以9月27落雨天都要去睇。

時裝設計師x某瑞士名錶嘅設計。。。只係加幾條錶帶。。。

東歐嘅。

唔知係乜。
養麥皮蟲嘅盒。
唔會打翻嘅水彩畫具。
右下係一個掛喺單車嘅超市購物紙盒。
義肢。
奧地利某品牌嘅調味料樽。

又係唔知乜。

南非嘅設計。
收藏支裝水嘅櫈。
膠樽蓋嘅吊飾。
幾無謂嘅開合桃器。只係大理石綁條粗橡筋。
廁所設計。又係唔明。

No.10 呢個鞋底換唔同嘅帶就變咗唔同款嘅涼鞋。
 輕型石屎。。夠唔夠堅硬㗎?

一塊過粗柄嘅刀。

 完全唔知係佢想講乜。

明顯只講求設計。不設實際。



織嘅手袋。

最後嚟到波蘭區。

自家發電。

支嘢接觸到發光嘅位置會有聲響。掂唔同位置就可以奏音樂畀植物聽,幫助生長喎。
喺森林用嘅帳篷。
For 女性自我探索。
舊嘅鞋底加環保物料嘅鞋。
現代紮腳,防止扁平足。
兒童護耳罩。
洗手盆。我估喺鄉下地方先會用到。

城市有好多塗鴉,有好多色彩。啲首飾採用嘅顏色係被呢啲城市色彩啟發。

被黑命貴,香港示威所啟發嘅櫈。

可能有人睇咗呢篇blog後去報料,之後香港帶張櫈出街都會犯法。

左邊係一幅好似掛氈嘅東東。右邊東東可當斗篷。
原來係舊嘅碌屎紙。
斗篷係用可分解嘅膠織成,內藏種子。丟棄之後會有植物生長。

 

21 則留言:

  1. 真係包羅萬有,好多嘢睇

    回覆刪除
  2. 突破框框嘅創作。
    建議佢設導賞員。

    回覆刪除
  3. d展品好似執返黎嘅垃圾
    要點住俾植物聽音樂,唔識播歌
    洗手盆鄉下地方都冇人用啦
    張凳犯咗法,雖遠必誅

    回覆刪除
  4. 十大武器之首, 唔係摺凳咩?

    回覆刪除
    回覆
    1. 係喎。咁我見嘅設計要行埋一邊。

      刪除
  5. 你那邊原來都有好多各種展覽。

    回覆刪除
  6. “只講求設計。不設實際。” 哈哈哈

    回覆刪除
  7. 養麥皮蟲都有個專有飼養箱...幾周到喎!!

    回覆刪除
    回覆
    1. 係提倡食蟲,所以啲蟲要有個好啲嘅居住環境卦。

      刪除
  8. 竟然養麥皮虫既盒也有...藝術呢家野真係高層次,我呢D凡人真係不識呀!

    回覆刪除

入咗嚟,不如寫幾隻字,留個言啦.