2021年12月5日星期日

突圍而出(巡)- Baden-Baden上

11月28 嚟到Baden-Baden。首先參觀嘅係喺火車站附近,隱藏喺啲貨倉定工廠之類建築物嘅一間博物館Kunstmuseum Gehrke-Remund。

Gehrke同Remund係呢間博物館嘅負責人。當日佢哋自己喺度睇檔。

博物館主要展出Frida Kahlo 嘅作品同宣傳墨西哥文化。

博物館冇圍欄,營造出家嘅感覺。配合喺墨西哥正版嘅博物館The Blue House。
呢兩位有心人,揀Baden-Baden開博物館係因為Frida Kahlo嘅老竇係嚟自Baden地區。博物館要喺多國內外遊客嘅地方落腳,所以開喺Baden-Baden呢處喇。
佢通常畫自己嘅自畫像。
(佢同老公)
嚟呢度係原先搵吓Baden-Baden有乜博物館可以行。見Frida Kahlo呢個大名(我少數認識嘅藝術家),一定要嚟睇吓啦。





佢呢個樣,我開頭懷疑佢係咪跨性別人士。



呢幅正貨喺紐約MoMA。


呢幅少有嘅大畫作,喺蘇聯展出後就下落不明。












佢1954年過生。呢幅係最後嘅畫作Viva la vida. 
呢篇blog我時時話正貨正貨。冇錯呢間博物館展出嘅全部都係A貨。但係話幅幅都得到墨西哥Frida Kahlo基金會嘅正式授權, 每幅都有晒授權編號。
啲畫係搵中國嘅畫家複製。幅幅A貨都係手繪,好有誠意㗎。

註>我睇過紀錄片介紹中國複製名畫嘅產業。啲畫家賺好小㗎咋,但係啲A貨喺歐洲啲紀念品店賣,就升價好多好多倍。

網上搵到嘅報導。

Frida Kahlo,墨西哥女畫家,1907年出生。生來就患有小兒麻痺,令右腳短於左腳,再加上父母關係並不算和睦,是以她形容自己的童年生活為「非常、非常悲傷」,而母親則是一個「善良、活躍、聰慧同時充滿計算、兇惡的宗教狂熱份子」。活到18歲,上天再送她一場車禍,因為傷及脊椎,加深了她下半身的傷勢以及行動能力;因為傷及盆骨,連生育能力也受到損害。三十多次手術並沒有為她帶來回報,右腿最終仍需要被截肢。

人們都說藝術算是拯救了她悲慘的人生,因為她的畫作深深吸引了著名墨西哥畫家Diego Rivera的目光。Rivera支持了Kahlo的手術開支,Kahlo的爸爸亦似乎十分支持二人的婚事;二人於1928年結婚,Kahlo以為自己覓得真愛,Rivera卻搭上了自己親妹。二人分居後,主動提出離婚的竟然是Rivera。雖然他們在1940年再次成婚,兩人仍然分開生活,直至約1950年Kahlo因脊椎問題無法行動,Rivera才重回她的身邊照顧她,直至她死去。二人以好友相稱,戀情不再,大概外界亦心知肚明。

Frida Kahlo最終於1954年病故,Rivera把她的遺物鎖在她墨西哥的故居之內。1957年Rivera逝世,及後50年遺物一直被保存,直至2004年被Frida Kahlo Museum公開,再由日本攝影師Ishiuchi Miyako拍下更多衣櫃中未曾見天日的遺物。




12 則留言:

  1. 慘過梁天來。

    話自己好重人權嘅西方白人當中國人係廉價勞工已經好優待啦!點都好過拐帶非洲黑奴。

    回覆刪除
    回覆
    1. 所以依家有啲fairtrade嘅產品囉。

      刪除
  2. 回覆
    1. 唔知有呢齣戲添。上網搵吓有冇得睇。

      刪除
  3. 好似。。。
    有套電影講她生平的。。??

    回覆刪除
  4. 睇過套戲,佢真係生命鬥士,最衰又係遇咗個賤男
    翻版畫好似係深圳大分,d人窮到連屋都冇

    回覆刪除
    回覆
    1. 齣戲我未睇過。
      我記得紀錄片係喺深圳拍。

      刪除

入咗嚟,不如寫幾隻字,留個言啦.