2021年12月20日星期一

鼓勵消費

因為之前封城,舖頭冇開,錯過咗聖誕消費高峰期。

於是奧地利政府特別批准12月19 星期日因封城冇開嘅舖頭可以營業。即係呢日超市,藥妝店之類冇得開。對上一次全國性星期日濕平係1960年, 維也納對上一次係2008年。(維也納平時係星期日禁止營業的。)

為咗催谷民眾喺呢個週末出外消費,維也納市政府聯同維也納總商會推出大抽獎,筆直係四百萬歐。

只要喺18同19 號,市民喺維也納之前封城冇開嘅店舖消費,有機會得到50% 嘅回贈(最多100 歐)。每人最多只可上載一次收據。之後就會抽出幸運兒。回贈以餐廳消費券支付。

  • 1歐至51歐以下收據得25歐消費券。 
  • 51歐至101歐以下收據得兩張25歐消費券。 。。。

希望咁可以幫到零售同餐飲業。 

我都有支持去買過部手機(其實想搏中獎)。

據報導只有一半嘅舖頭響應。一來僱主唔可以迫員工返星期日,二來人工雙計,僱主預計生意彌補唔到開支,索性唔開啦。

24 則留言:

  1. 19號地鐵巴士任搭,我都有湊熱鬧。

    回覆刪除
    回覆
    1. 除機場及各關口站,整日全部站嘅閘口開晒,唔使拍八達通 掂行掂過,你去天堂都得,地獄要落18層就去唔到。(天水圍/九龍塘=天堂)。 全部巴士綫(除關口)都唔使錢。

      刪除
    2. 咁難得我都會去搭。

      刪除
  2. 從前去旅行,星期日係歐洲好多地方猶如死城。現在嚟到先知,估唔到加拿大呢度星期日大部份舖頭都開門

    回覆刪除
    回覆
    1. 我印象美加星期日都開。

      刪除
    2. 呢2年係美國多家超市 Thanksgivings 因疫情關門, 話比員工可以 Thanksgiving 過下感恩假期

      刪除
    3. 王子:未嚟之前無乜留意美加,所以都唔太清楚
      小月:你都好清楚美加下喎!有親戚住係果頭?

      刪除
  3. 星期日香港先最旺,老外太會享受生活。

    回覆刪除
    回覆
    1. 同人講香港人星期日係去shopping,西人覺得不可思議。

      刪除
  4. 星期日是家庭日,個個都唔願開工啦!

    回覆刪除
  5. 怕人多,星期日好少出門濕平!
    刺激消費,搞下活動,未嘗不可。

    回覆刪除
    回覆
    1. 怕人多,你應該係好1適合外國嘅生活。

      刪除
  6. 回覆
    1. 直接派錢幫助受影響店舖最實際。

      刪除

入咗嚟,不如寫幾隻字,留個言啦.