疫苗接種大抽獎

 奧地利要谷針，11月尾推出疫苗接種大抽獎（唔知係咪學香港呢?）。

只要係喺奧地利住嘅十八歲以上人士，喺10月1至12月20期間打針（不論係第一，第二針定係加強劑）就可以參加。但係疫苗就指定要係AZ，復必泰，莊生， Moderna。

獎品有屋，有車等等。

間屋價值495.000歐，連地板，廚房，廁所，暖氣設備。
 

我就登記咗喇。但係如果畀我中咗間屋都唔知點算，因為係唔包地的。

最後枉我擔心一場，乜都冇中。

而一份小報亦搞抽獎，條件差唔多。

每日都會抽出幸運兒。佢啲獎品就yap咗啲。見佢多數都係百歐購物現金券。