加強防疫

奧地利又嚟第五波疫情。每日約萬宗新確趁。

於是今日開始加強防疫（同香港冇得比啦）。但係決定唔封城。

新增規定＞

戶外冇兩米社交距離嘅情況一定要戴N95。 

舖頭一定要檢查客人健康碼（接種疫苗，痊癒）。我之前咪話奧地利舖頭員工冇權睇你嘅健康碼嘅，依家授權可以睇喇。

依家只有一類密切接觸者（以前分兩類，一類要隔離，一類只需檢測，都幾複雜吓，唔介紹嘞）。打咗加強劑嘅獲豁免做密切接觸者, 唔使隔離。

密切接觸者如果喺國家重要基建工作，可以戴N95返工，唔使隔離。

第二針疫苗健康碼有效期縮短為六個月。

最特別係之前奧地利准許歐盟唔認可接種嘅 Covishield, Sinopharm 同Sinovac人士入境。依家收緊咗，雖然仍然可以入境，但係唔准進入公眾場所，包括酒店。