星期三襯墟

星期三聽收音機話Ring大道又封路.一定有啲嘢搞. 咁我就去八吓. 去到太早,只係見電視台set咗攝影機.

未開始,咁就打算去一個市郊嘅公園.搭巴士途中見到間餐廳,我去過一次,係奧地利傳統食物, 好好食架. 即刻落車食過lunch先.

呢日推介鹹豬手,只係6毆幾. 咁問吓有幾大啦. 嘩!係好巨型. 分兩餐都食唔晒架. 我食剩緊係打包唔嘥嘢啦. (因為佢上碟時幫你起埋骨,賣相唔係咁好,所以冇影相)

食飽飽,繼續去公園時間又唔夠. 返轉頭襯墟又太早.咁喺附近行吓. 呢條樓梯叫Strudlhofstiege,維修完應該都有成年.我都係第一次嚟.

其實呢.....我係咪太靚仔呢?? 呢啲噴泉見到我緊係流晒口水嘅.

時間差唔多,返去襯墟,好多人圍觀喎. 原來MotoGP Show, 係某電視台宣傳佢哋會播週末喺捷克Brno嘅Grand Prix. 有電單車手表演. 但係佢哋實在太快,我冇可能影到相.都係去行公園好過.

Türkenschanzpark我簡單咁叫佢做土耳其公園啦. 呢個係Türkischer Brunnen土耳其水泉.

有烏克蘭人雕像,紀念佢哋幫手抵抗土耳其人入侵.

1888年呢個公園開幕時國皇呢個喺Paulinenwarte演說.

拎住食剩嘅鹹豬手唔想行太遠.都係返屋企.