Stammersdorfer Weinfest葡萄酒節

我好留意維也納有乜活動(驚C悶C). 而德國朋友噚日最後一日喺維也納.咁我提議去維也納北面市郊嘅Stammersdorfer Weinfest.

Weinfest係葡萄酒節咁解. Stammersdorfer呢度好似一條鄉村咁. 啲屋都係矮矮嘅. 大街兩旁都係Heuriger.

街頭表演.

呢啲活動一定有小朋友嘢玩.

呢幾日天陰陰,得十幾度咋. 啲夏裝可以收埋.

喺嗰度啲舗頭(唔係有好多間)都特登開門做生意.

呢度啲嘢食平過最近去過嘅Döbling. 好似半隻燒雞呢度只賣5歐幾.上次嗰度成8歐.

其中一間收費. 部份係奧地利德文.

呢啲活動好少見有嘅煙燻魚.

Stammersdorfer附近有間軍醫院.佢哋都嚟擺檔. 幫人量吓血壓咁啦.

維也納就快有市長選舉,各政黨都襯機宣傳. 排外嘅右翼政黨(唔係紅色呢個)有好多gimmick送,有筆,手帶,公仔匙扣.我呢啲咁貪小便宜都唔攞佢. 一於杯葛佢!!

第一次世界大戰紀念碑.

唔使講都知係宗教嘢.

教會地方一個鐘.

唔少得嘅表演.

朋友們飲Sturm(奧地利德文指剛發酵葡萄酒).我覺得好似早咗啲囉.但係間間都賣喎.我就飲提子汁. ¼ L = 2 euro.

飲完一間又去第間. 我哋今次唔齋飲,食吓嘢.朋友嘅血腸. 我睇見就唔開胃. 我就穩陣啲食鬼佬燒肉(冇影相).

坐坐吓想落雨咁.於是搬入室內.

Stammersdorfer環境唔錯.好悠閒.又唔多女人街貨色嘢賣. 感覺好好.出年一定再嚟.(平時都可以嚟架.但係要留意吓啲Heuriger營業日子)