Pécs - 2010歐洲文化之都(中)

第二日因為話會有雨,所以安排參觀室內景點. 首先去Széchenyi tér廣場嗰間前回教寺Mosque of Gayi Kasim Pasha.

未去之前去麥記攞番份都市日報睇睇.匈牙利文我緊係唔識啦.只係攞嚟睇吓嗰日天氣會點樣.

話時話呢度份都市日報好鬼薄.冇乜廣告嘅.

呢間土耳其人留低嘅回教寺依家變咗一間教堂.

我見到嘅回教痕跡係牆上啲雞腸.

之後去咗一間真正回教寺Mosque of Jakovali Hassan Pasha. 入場費700HUF. 個賣飛阿婆手腳超慢,都唔知係咪特登唔想找錢.

人有三急,我未去過回教寺,原來廁所有呢個地方.

展覽館只係得幾樣嘢睇.又只有匈牙利文.

好快我就閃咗去睇回教寺.就係咁多,一眼睇晒.

700HUF唔係貴,建議大家如果冇時間可以唔使嚟呢度.

呢間St Peter and Paul Basilica好獨特,我未見過教堂有四個塔.

內裡裝飾又有少少似東正教.(我冇check原來幅相影得咁差).

參觀教堂又係要收錢.有兩個package.我揀咗個cheap 嘅800HUF. 入場費包呢個Lapidary博物館

同呢個Winery酒窖.其實呢兩度都冇人check你有冇飛.

見人哋啲相喺Aradi vértanúk útja呢條街可以清楚影到四個塔,咁我又嚟影. 呢條街仲有好多匈牙利(我估係)偉人嘅半身像.