平淡中尋樂趣

可能因為暑假好多奧地利人都去咗外遊. 所以冇乜免費活動喺呢個時候搞(大家見我冇乜戶外blog都可能都感覺到)

禮拜日照常去教堂坐,又係因為暑假冇咗弦樂演奏. 去教堂途中經過Karlsplatz. 呢度多咗件藝術品Wien MMIX Rundpanorama.

用咗17,352幅閉路電視圖片拼出歌劇院裡面盛況(藝術品實物只係一大塊poster). 呢件嘢都擺到11月

無無聊留意吓啲雕像.原來有啲同奧地利好似冇乜關係.

有達文西

哥倫布

去完教堂我多數會去歌劇院斜對面賣飛佛嘅cafe ,Aida (呢度啲人唔會叫呢間係cafe,應該叫Konditorei)打躉.

佢每款cake我都食過,唯獨未食過佢嘅Sacher Torte. 呢日試咗..Um..下次都係食番其他cakes. BTW食Sacher Torte,呢度waiter會問你加唔加cream. 可能食起上嚟冇咁乾. 正宗Sacher Torte緊係去Sacher Hotel食啦.但係我未去過.

另外我見好多遊客唔知呢度習慣.等我講解吓先.

如果喺Konditorei堂食,大家係搵咗位坐低先,然後waiter/ waitress會嚟take order. 唔知食乜cake,咁睇咗先,記低個名,先搵位囉.

埋單可以參考呢篇blog. 奧地利食肆係冇service charges嘅. 貼士係隨你畀. 如果有食肆waiter要你畀10% service,即係呃你(我睇blog見有人被呃呢).

無所事事行吓屋企附近個Schloss Belvedere皇宮個後花園. 正門噴水池仲係維修緊.

(溫馨提示>下晝太陽照呢個方向)

一舊舊噴水池邊mark晒numbers,第日可以砌番.

後花園

估唔到呢度都見到佢. 奧地利當然唔識佢啦.只係大陸人喺呢度賣嘅女人街貨.