一天男伴遊

德國朋友嚟維也納. 我提議幾個地方佢哋遊. 大家同意噚日遊船河. 呢個船河要預先book,冇即日票.可惜天氣我哋預測唔到. 呢日落雨.

呢個船河由維也納出發沿多瑙河去斯洛伐克嘅Bratislava. 呢日全船滿坐.

船費45 euro包簡單早餐(唔啱食可散叫其他嘢,另收費) 同晚餐. 準時8:45 a.m.出發. www.donaureisen.at

沿河景色麻麻地.

冇幾耐去到水閘.喺呢度用咗好多時間下降.

天雨關係.我哋留喺室內.唔想悶C.大家一定要有啲娛樂.我就帶咗Monopoly Deal等德國朋友重溫吓香港地名.

大約12點到達Bratislava.

喺呢度落船行去舊城好近.

喺Bratislava我哋有四個鐘自由活動. 我呢個識途嫩馬就帶我啲團友亂行.今次喺呢度見多咗啲藝術品.

而呢個廣場啲檔口搬咗埋一邊.

ATM幾靚.

講開又講. 奧地利人唔知ATM係乜嘢嚟架. 因為ATM中歐都係叫Bankomat. 我又記得喺香港有鬼問我邊度有Bankomat,好彩我見識廣博.知佢搵ATM.

因為Bratislava舊城唔大,好快行晒.咁lunch我哋搵咗間隱閉小店Chez Amelie(www.chezamelie.sk)食crepe. 呢度啲waitresses同你講法文架.古怪.

食完就去搵cafe. 呢個位置已經重鋪完路面.

去完匈牙利對李斯特認識多咗. 今次留意到佢都有嚟過Bratislava.

我帶咗朋友們去我上次去過嘅cafe, Coffee & Co.

Hea夠回程返碼頭.

喺船上好天到咁.激C.

呢度係斯洛伐克近奧地利嘅地方.

呢度已經係奧地利嘅Hainburg.

一路玩Deal一路等食.

晚餐係buffet,啲嘢普通啦.唔post相喇.

剛開始好多人排.但係供應充足.大家唔使心急.

有鋼琴伴奏.

食飽飽好多人都去咗甲板hea.

成10:30 p.m.先到維也納. 我要11:30 p.m.先返到屋企. 搞到當日冇時間遊blog.