有朋自近方來

德國朋友嚟咗維也納. 佢哋唔係第一次嚟,我冇需要做導遊,我只係黐飲黐食. 禮拜日帶佢哋去Döbling行一轉.

但係佢哋冇乜興趣. 咁我哋就去我食過嗰間Heuriger食嘢.

肉肉肉.

回家路上見到垃圾焚化站.

噚日window shopping時,我之前嘅疑團解開咗. 行過一間唐人快餐見到三文魚係點照燒醬架. 我呢啲冇去過食呃鬼唐餐,真係唔知係咁. 上次嘅couple, sorry囉,點你哋買蠔油.

Window shopping一定行吓玩具店. 今次有新發現. 唔知香港有未呢?

Late lunch約咗德國朋友們去Rathausplatz食嘢.

我食住等. 食完佢哋都未到喎. 原來我德文用錯preposition. 累咗佢哋去錯地方搵我.

食完嘢,去食雪糕. 嚟咗呢間喺Schwedenplatz 嘅Eissalon Schwedenplatz.  維也納其中一間出名雪糕店,1886年開業.

露天位滿晒.好彩裡面搵到位.

喺呢度感覺唔似喺維也納. 啲人做嘢太快喇.有啲香港feel.

我食咗個雪糕意粉Eisspaghetti(面頭係條狀雪糕,椰絲扮芝士碎).