Dom 大教堂
大教堂同平時見開嗰啲好唔同,金好多.
仲有寶石添架(估佢係A貨).
影呀影,到出嚟先見有個牌話影相收一歐.
可能我哋實在太早到.未有人開工,入嚟時又唔見呢個牌架,冇人話喎.咁每人慳咗一歐lu.
間教堂都幾大吓.
真係好難睇晒全相.
用電腦拼拼貼貼.
呢類薑餅度度都有,度度都話佢自己係original.
四周圍行.
見呢間比利時老字號cafe啲cake好吸引喎.
流晒口水.
聽講德國有法例食品要列明有乜添加劑.好似我見過腸仔檔話自己啲腸仔有防腐劑.而呢啲cakes寫明有人造色素.即刻唔想食佢添.
我見德國好多cafe都係咁.堂食嘅,首先去揀咗cakes先.
Order咗佢有張飛仔畀你.你就去搵位,坐定定,睇吓飲乜.
Waiter take你order時佢會拎走埋你張飛.咁佢就知你想食乜cake喇.
呢個方法幾好,唔使好似奧地利咁自己要記低個cake名.
我order咗個eclair,可能我哋真係太早,個eclair好新鮮,超好食.另外order咗杯熱朱古力....乜佢上杯熱奶!!!....原來要自己放朱古力粒.朱古力就咁食好好食.變咗熱朱古力好似淡咗啲.整體呢間cafe超正.
你拼相拼埋個尖頂嘛..
回覆刪除出邊既野,預左人造色素啦..你唔知唔覺食唔少..都唔爭在啦..
落古力粒我會揀哂dark既...你係咪落左3粒其他都當糖仔食呀~~~
[版主回覆10/10/2011 00:36:20]唔知當冇,但係寫明有人造色素就唔係好想食佢囉.
成杯朱古力放晒入 d 奶度呀?
回覆刪除[版主回覆10/10/2011 00:35:03]係呀.
俾我就先食晒d朱古力, 飲奶就算.
回覆刪除[版主回覆10/10/2011 00:37:11]又係喎. 落咗肚咪又係朱古力奶. 哈哈.
呢間教堂很金碧輝煌， 應該花了很多錢建造以成。那些朱古力的濃度很高架， 空口食梗係好味D啦。
回覆刪除[版主回覆10/10/2011 16:57:25]齋食朱古力真係好食好多.
大細豬小姐都好喜歡食 Eclair ！
回覆刪除[版主回覆10/10/2011 16:58:02]Eclair新鮮先好食.
蛋糕D色咁靚，話冇人造食素大家都唔信啦!
回覆刪除[版主回覆10/10/2011 16:58:36]佢冇話我當冇囉.哈哈.
教堂好有特色！
回覆刪除[版主回覆10/10/2011 16:58:45]好唔同.
好金呀!去咗皇宮呀!同埋,蛋糕和嘢飲好正呀!
回覆刪除[版主回覆10/10/2011 16:46:52]間教堂好金,好特別
Oh!tria:我最like就喺甜品，外國啲蛋糕至good，我每次嚟都食唔少，肥死！佢個安排幾好，香港要參考！Diy
回覆刪除[版主回覆10/10/2011 16:43:26]熱朱古力我估佢扮有特色.
[路霸回覆10/10/2011 12:18:11]Oh!tria:熱朱古力就怪啲，通常融咗先？Diy
咁大杯奶，朱古力味一定唔濃啦
回覆刪除[版主回覆10/10/2011 17:50:08]我估兩杯朱古力粒我先夠.
好正! 有冇分店?
回覆刪除[版主回覆10/11/2011 02:47:09]比利時有分店.
朱古力奶好特別!
回覆刪除[版主回覆10/11/2011 02:47:36]第一次見係咁.
如果有人收錢都唔驚啦，你咪又出你果招扮日本仔咩都唔識睇囉hahahaha~~~~~咁香港果0的都應該好多人造色素喎，只係無寫0者
回覆刪除[版主回覆10/11/2011 20:26:01]冇寫當冇.
間教會太金，我唔鐘意。
回覆刪除[版主回覆10/11/2011 20:27:00]個Style好唔同. 都靚吖.
1 歐元拍照都O.K. 喎...
回覆刪除[版主回覆10/14/2011 04:08:36]我唔慣影相要收錢.
熱朱古力奶 , 分開上又特別喎 , 我諗我會齋食哂啲朱古力才飲奶 , 感覺好似有飲有食抵啲 .
回覆刪除[版主回覆10/14/2011 04:09:40]又係喎,好似抵啲. 哈哈.
自己放朱古力落去奶奶度......好有新意喎~
回覆刪除[版主回覆10/14/2011 04:09:53]未試過.
D朱古力粒溶到架?咁柸奶咪好熱囉？
回覆刪除[版主回覆10/14/2011 04:10:26]即溶