睇咗乜戲

又報告吓睇咗乜戲先.
首先係以下呢齣德國production.

故事講德國一位扮史太林嘅喜劇演員,因為要逃離納粹德國,用假証件假身份去咗莫斯科,住喺一間叫Hotel
Lux 嘅酒店.呢間酒店專係接待共產思想嘅德國人.
喺呢度佢遇見番以前個扮希特勒嘅拍當同一位女性朋友.而佢個假身份得到史太林嘅信任.但係被一位秘密警察發現咗....

我覺得個故事幾得意.但係因為我德文好鬼水,有幾個points唔係好明.另外戲中有啲俄文對白,字幕當然係德文.睇一句,腦中翻譯梗嘅時候已經出第二句.追字幕追得好辛苦.德文國家10月27上.

第二齣係美國片Killer
Elite.
可惜我睇嗰個係德文版,唔係好明啲對白,睇到一舊雲.

故事講一位退役特務,佢個friend被沙特王子捉咗.釋放條件係佢要去殺三個人.呢啲你捉我,我捉你.真係要好留心先follow到佢做乜.德文國家10月26上.

如果大家好似我咁睇唔明德文預告片,咁睇番英文版啦.

最後係一齣德國兒童劇Als
der Weihnachtsmann vom Himmel fiel (When Santa fell from the sky)

改編自1994年同名暢銷德國兒童故事.

故事講世上最後一位真正聖誕老人因逃避Nutcracker同唔知乜嘢軍嘅追捕.惡劣天氣下跌咗落地球.
Santa little helpers又被人捉咗.今年可能冇聖誕喇.有兩位小朋友發現咗呢位聖誕老人,一齊出手請救...

都係兒童故事啱我多啲,聽唔明晒都可以跟到個古仔.德文國家11月25上.