第十五站Brussel睇痾尿

8月30

去比利時當然去埋Brussel啦.但係時間關係,只係去睇吓啲重點景點.
經過Bourse隔離個遺址.

去到Grand
Place 一定影吓座L'Hôtel
de ville (city hall).

上次嚟好多地方已經影過.今次玩吓全景相先.

La
Statue d'Everard't Serclaes上之嚟維修中,冇得睇.
今次補番.仲學人摸吓佢.但係唔知有乜好.

隔離呢個係紀念Charles
Buls.

喺Grand
Place睇夠影夠喇.咁我哋去搵個小朋友先.

Um....今次冇著衫.

Manneken
Pis尿尿男生呢條街好多舗.團友分頭搵食.
鍾意搭訕嘅御用司機問呢個哥仔呢個品牌點讀.佢話英文人讀'割戴化'.比利時人會讀法文音'割啲化'
. btw之前去嗰三個比利時地方都可以用德文溝通.反而喺首都德文唔使得,可能呢度多法文人.

咁我喺間舗見到上次返香港飲過好正嘅朱古力沙冰,問吓價錢,
4歐幾咋,同香港價錢差唔多,即買.

繼續上路.Blog友嘅狗女想唔想識呢位王子呢?

喺Rue
du Marché aux Herbes-Agora Square見呢個噴水池好多人影相.人影我又影.
依家check番,原來呢位就係我之前提過嘅Charles
Buls.

Galeries
St Hubert

香港有冇neuhaus架?我見德國有,但係冇籃精靈賣.

Rue
des Bouchers有好多餐廳都有比利時青口食.間間都係同一價錢,連餐牌都一樣架.

喺呢度唔係搵食,係去搵呢位小妹妹Jeanneke
Pis.

今次佢可能飲得水多,有尿痾喎.

做乜影呢度呢?因為除咗南歐,好少見人咁曬衫架.
咁啱佢樓下係間中餐廳.嗰戶人家係咪中國人呢?

最後行程去唐人街.上次朝早喺左邊間麵包店有菠蘿包賣架.今次下晝去,乜都冇.失望.右邊間玩具店好多日本公仔賣,入咗去update一下.

再去超市,有我至愛品牌月餅呀,三十幾歐都想買.但係睇睇吓....乜呢個品牌英文係Mei
Xin... 係咪假架?定係佢哋喺歐洲有另一個名呢?即刻唔敢買.

OK,係時間返去Cologne.

Bye
bye比利時,下次有機會想去南面嘅法文區.