炎炎夏日多節目

過咗呢個weekend真係幾多節目架.星期六除咗個巡遊,Stadt
Park (約翰史特勞斯像嗰個公園)有個Stadt
Park Fest. 係慶祝開園150週年.

可以高高在上睇吓個公園

有條噴水走廊.

有啲公園嘅工作車睇

園藝裝飾

臨時兒童遊樂設施.

大舞台有表演睇.

賣嘢食檔口唔多.

仲有好多唔同政府部門嘅booths.但係嚟嚟去去都係睇嗰啲嘢.唯一呢個未見過.關於街燈.

另一個活動係Veganmania.

係一個素食節.

有不同保護動物組織嘅booths.

有嘢食賣.

Mango
Lassi係人都知係用yogurt整.唔知係咪要迎合全素食者.
Yogurt變咗豆奶.

又係有表演睇.

星期日原先冇節目,咁去我個後花園探吓我樖葡萄啦.

乜我去咗台灣?咁多電單車嘅.

其實呢個係Toy
Run,係一個籌款活動.

鐵騎士會帶住啲公仔巡遊,

為貧窮小朋友籌款買玩具,去旅行呀咁.

可惜係今年係第二十屆,亦係最後一屆.可能係因為呢個籌款方式唔環保.

路旁仲有小朋友為鐵騎士打氣.

部份人會同小朋友high
five啦,有啲派公仔,派糖.但係見佢哋好危險咁.
啲小朋友執地上啲糖,而電單車就好近咁駛過.

原先冇諗過睇架.我只係好似佢哋咁過唔到馬路咋.

聽講今次有8000人參加,參加者要捐錢.到咗終點又要捐埋佢哋帶嚟嘅公仔.