Falafel

唔知香港嗰間電視台仲有冇出TBB雜誌嘅呢?  我度國螢電視台有出雜誌㗎。介紹下啲節目內容，食譜咁啦.
以下個食譜就係喺某一期雜誌見嘅。

500g烚熟咗嘅鷹嘴豆，三塊方包切粒,三個洋蔥切大件,6瓣蒜頭都係切大粒,一束parsley，兩束蕃茜，兩茶匙cumin，兩湯匙麵粉，一茶匙發粉.  
除咗粉類。所有嘢用機打蓉。之後落粉類，鹽,胡椒調味. 炸!!!

第一幅嘅我係炸.但係失敗咗。啲波波炸炸吓散開晒。即刻要轉用焗爐焗。
剛出爐時好腍.要攤凍咗先可以拎得起。
雖然好食,但係味道唔似出面食嗰啲。要繼續研究。