Blanquette de poulet

A貨嘅家鄉雞皇飯我時不時都煮。最近見blog友煮Blanquette de poulet ，睇嚟都係差唔多，冇難度。咁就跟blog友畀嘅website煮啦。
http://thefoodiegrandmere.blogspot.fr/2012/03/blanquette-de-poulet-chicken-in-white.html

材料我自行改咗。
一個洋蔥切件，一杯水，雞件，三條蘿蔔(其中兩條切件)，兩湯匙麵粉，兩湯匙牛油，150g  磨菰，一個蛋黃，一個檸檬汁，三湯匙cream， thyme, rosemary.
磨菰炒炒備用。 雞件煎煎鎖起啲汁備用。洋蔥蘿蔔炒炒，放入雞件，剩抵個條蘿蔔，加水蓋過雞件。灑上thyme, rosemary, 鹽，胡椒煲佢45分鐘後撈起雞件同嗰條蘿蔔。個湯隔渣備用。
喺另一個煲溶咗啲牛油，加麵粉炒炒。一路撈一路加入之前煲嘅雞湯至自己想要嘅濃度. 檸汁同蛋黃撈好襯個汁冇咁熱時加入個汁度，再加入cream。最後蘿蔔切件後連同雞件,磨菰落埋落個汁度，加番熱。完成。
做乜我改落一條原條蘿蔔呢?  之唔係我唔會搵自己笨逐粒蘿蔔揀番出嚟囉。
Btw個汁帶有香料嘅味, 微微酸。幾好，一定有下次。