Passionsspiele

8月21去咗睇耶穌劇Passionsspiele. 地點係之前去過喺St. Margarethen活化咗嘅石礦場。而今次係另一邊舞台。

出場係一次過所有演員出晒嚟。

Total話有四百位演員喎.

Passionsspiele聽講以前係酬謝神恩而做嘅戲，即係好似我哋嘅神功戲咁.

呢個場係歐洲其中一個最大嘅天然舞台。2001年入咗世遺。
呢日太好天,坐喺度暴曬。條頸曬到刺痛。

有廣播話喺唔妨礙其他觀眾情況下,呢度係歡迎你影相.

故事開始，瑪麗亞未有得生。

鏡頭一轉,盲嘅開咗眼.

耶穌收𡃁。

病到CC吓可以起番身。

呢位一定係最細嘅童工。

中場休息即刻飆去搵個陰影涼吓.

右邊嗰位個死樣。。。哈哈哈.

耶穌升咗天.

唱聖歌完場。

個劇都幾悶吓.原因1> 一開場所有人出晒嚟，又冇佈景，冇咗驚喜。2 > 啲演員嘅台詞好似讀聖經咁,似去咗教堂。
劇目個個都識，如果年年做一定冇人睇啦(呢日2/3滿）。所以下次演出係五年後呢。