2016年8月21日星期日
The making of Luno-Festival
維也納將會有一個四川嚟嘅大型中國彩燈會Luno-Festival。星期三嗰晚因公去咗睇吓佢哋嘅準備工作。
話全部都係用LED燈。燈膽膠膠地,大陸貨但係有CE標誌，我估安全唔會自焚卦。
布係用萬能膠黐上去金屬框上.
塊布拉唔衡，佢哋會搣起塊布,再拉過,唔使再搽膠水又可以黐返上去. 太神奇喇! 係乜牌子呢？
工場
睇到佢哋係用乜牌子萬能膠.
原來唔會有紙紮人.
內部結構。
呢啲係扮水晶/玻璃.
係用玻璃樽仔紮出嚟㗎。
下面呢個又係嘆為觀止。
杯杯碟碟紮嘅。
攞咗一個拜神杯做紀念。
興建中嘅維也納歌劇院。
夜晚八點都仲開工。有冇違反奧地利勞工法呢???
有幾個整好咗or就快完工嘅亮咗燈畀我哋睇.
呢個噴泉嘅用色同閃閃吓嘅燈真係娘爆。
噴泉個設計都好有創意。結合咗三個景點嘅石像。
據主辦單位講，九月搞呢個活動只係因為天氣穩定，同中秋冇關.
佢整好晒應該我會嚟多次睇.
訂閱：
發佈留言 (Atom)
手工一流…睇嚟伸比香港彩燈會更靚呀！
回覆刪除HK嘅我只睇過尖沙咀鐘樓嗰啲咋.
刪除花燈節有乜目的？好奇怪。
回覆刪除去過邊個國家舉辦過？
經費由邊度黎？
話就話介紹中國文化畀西人認識。
刪除冇㗎，只係嚟維也納。
有中國大財團贊助，中國使館大力支持喎.(我就覺得係洗黑錢，因為睇呢個要收入場費的）
最欣賞杯碟紮作！
回覆刪除我睇咗好耐，慢慢研究。
刪除用杯碟紮的我在日本長崎中華街見過。我覺得好幾勁。
刪除令人讚嘆嘅工藝.
刪除呢類中國民間工藝真係好精美同埋全部人手整出, 少d工夫都唔得, 但依家好多都後繼無人, 將近失傳了.好可惜.以後想睇都冇了.
回覆刪除d配色都係傳統之一, 香港好多街頭都有呢類既公仔, 都係同樣咁既鄉土色彩.
d玻璃樽仔係好似醫院裝針劑既, 你又唔拎埋匙羹碟.
d配色真係好土氣囉.
刪除裝針劑>>>似喎.
哎呀！都係你醒。早知攞佢一套.
真係好大型，咁咪要好多人開工。
回覆刪除見佢都幾多人開工架.
刪除點解農曆七月攪D咁野呀
回覆刪除你唔講都唔記得添。
刪除唔知有冇記錯，中元節好似係農曆七月十五日，古時是與上元佳節的正月十五都一樣有彩燈慶祝……
刪除呢個我真係唔知.
刪除出國的， QC會好D， 國家出錢呀
回覆刪除又係喎,有乜唔妥影響國家聲譽。
刪除又真係幾有中秋節氣氛喎
回覆刪除順手拎埋成套杯碟返去用啦XXD
但係佢話唔關中秋事。
刪除早知攞佢一套.
同中秋冇關, 唔係麻
回覆刪除佢話唔關中秋事law.
刪除鯉魚躍龍門靚呀！
回覆刪除原來叫鯉魚躍龍門,佢同兩條龍嘅牌樓係一set㗎。
刪除這樣子的燈飾．．．感覺總是怪怪．．．
回覆刪除香港不少公園也會搭建這樣子的中秋燈飾．．．
HK嗰啲免費睇，我呢邊要入場費呢。
刪除「夜晚八點都仲開工。有冇違反奧地利勞工法呢???」––––我呢邊經常有壓榨外勞情況，時薪俾少過法定標準，超時唔補水，你地果邊恐怕都唔會好得去邊。
回覆刪除唔知合約唔係喺奧地利簽，喺奧地利受唔受法例保障。
刪除真係超奇怪，無啦啦響你度搞個咁大型嘅活動
回覆刪除佢哋識咗個奧地利人搞手.
刪除入場費要幾錢？
回覆刪除日頭22歐，夜晚25歐
刪除嘩，咁貴!!!
刪除我呢度係咁搶錢.
刪除雖然係好難得的中國民間工藝, 我唔鍾意紙札, 鍾意杯杯碟碟玻璃樽整嘅多。
回覆刪除傳統嘅龍呀，動物呀我都OK。其他紙札feel嘅就麻麻。
刪除大陸嘅野就係咁意想不到架啦~ 香港已經無乜紙紥燈籠了⋯
回覆刪除哦! 原來唔關中秋事。
只係咁啱近中秋。
刪除