Königssee 國王湖

8月6離開Steyr，經過兩個鐘車就到咗德國嘅Königssee 國王湖.

呢度超多遊客，亞洲面孔都好多. 英文人又係好多.

商店街乜都有。

呢日天陰陰，影相唔會靚。決定聽日先再嚟。因為我stay三日兩夜喺呢區,大把時間.

路經嘅Alter Bahnhof有一個Romy Schneider嘅展覽。佢喺宮庭片專扮Sisi嘅。

六歐入場，偷窺佢只係一個房仔嘅展館。。。最後決定唔入.只喺門口影吓佢啲展品.

呢度似乎興賣呢種無成本嘅紀念品。入一歐,個公仔會鋸一片木片出嚟.......

之後你自己揼呢個印。

另一款又係呢啲木片。我以為係即鋸嘅, 原來個公仔只係郁吓做吓樣. 木片一早準備好,似抽閃卡咁.

星期日又嚟過. 舖頭少咗一半，因為星期日唔係紀念品店唔準開.

九點幾到。人潮未現。買咗一個上山下湖嘅聯票See-Gipfel-Ticket，33歐。
買咗飛，碼頭話有船即開唔使等。諗都冇諗就上咗去. 完全冇諗過會冇晒啲靚位(full晒) .所以去程都冇乜影相.  
仲有仲有, 坐我腳邊係一隻狗。唔知佢係咪暈船浪，突然嘔吐大作. 好彩佢主人觀察到毛孩有異。毛孩旁邊嘅乘客都避開到。但係我唔敢再坐嗰個位,最後全程要企。

唔多襯嘅現代建築，Deutsche Post Eisarena.

隻船駛駛吓停咗,息埋引擎。原來呢個位叫Echowand回音牆。船長出嚟吹次中音小號畀大家聽吓啲回音. 事先張揚佢表演完會問攞小費。

國王湖個地標St. Bartholomä聖巴多羅買禮拜堂。聯票只去呢個站。間教堂都幾細，唔太特別。

頑強生命力.棵樹冧咗仍然繼續生長.

有間Information Centre.

介紹吓呢度有乜生物，石頭咁..

呢個模型可以想像到個湖有幾深。

我唔係行山嘅，好快行完搭船走。

太早未有回程客，我包咗隻船。

影番嚟嗰時影唔到嘅相.

Königsbachfall柯尼希斯巴赫瀑布。

Falkensteiner Wand法爾肯施泰因岩璧嘅十字架. 係紀念1688年船難死去嘅71位朝聖者.

返到碼頭人山人海，好彩我早嚟。但係。。。