2022年1月10日星期一

久違聚會

疫情期間一直都冇見過賓賓friends。 

1月4 終於約咗出嚟聚一聚喇。友人揀咗呢間偽日本餐廳食 buffet。

 一位知我識少少日文嘅問我間嘢個名係乜意思。其實間嘢求其將啲羅馬拼音併埋一齊,睇落疑似日文,冇意思的。所以我未去已經知係唔正宗。

擺枱亦知唔正宗啦。仲有係用中式湯羹。

嘢食係 ipad 點。好似冇漏單。讚!

友人點咗好多壽司,以為我好鍾意食。其實buffet我唔想塞咁多飯落肚,但係唔想嘥嘢,相中嘅大部份都要我去消滅。

我自己就點咗一籠小籠包,味道OK,但皮太厚,麻麻。

最驚喜係蛋炒飯,夠鑊氣。我喺屋企煮唔到。

因為畀啲壽司質飽咗,仲有好多嘢試唔到。下次啦。

Lunch buffet 14.50 歐一位。飲品唔包。

30 則留言:

  1. 你咁偏食,難為咗賓友。
    冇點醒佢食咩最值回票價?
    下次搶先點:天婦羅、魚生、炸物、咖哩。
    唔正宗!最緊要好味。

    回覆刪除
    回覆
    1. Buffet最好啦。我揀我鍾意食嘅。
      佢哋好似唔食生嘢。另外係飯桶,點咗碗白飯。令我傻眼。

      刪除
  2. 人地有大爐頭嘛, 所以有D野係屋企係整唔到架
    我諗起好多年前, 我屋企個位有張中國字被袋, D字真係9唔搭8架

    回覆刪除
    回覆
    1. 雖然自己煮會好味好多,但就冇咗個鑊氣。
      呢啲遠東文化半鹹半淡,不東不西。

      刪除
  3. 食飯飽?我覺得壽司好普通。

    回覆刪除
    回覆
    1. 我呢邊係好普通㗎咋。香港超市賣嘅貨色好過呢度多多聲。

      刪除
  4. 日本餐出位嘅竟然係蛋炒飯 哈哈哈哈

    回覆刪除
  5. 似 fusion 菜多些...
    哈哈!

    回覆刪除
  6. 回覆
    1. 餐廳嘅lunch buffet多數都係呢個價。(通常只有中餐先會做午市buffet)

      刪除
  7. 點甘多飯?唔淨點魚生?

    回覆刪除
    回覆
    1. 魚生得我食咋。太飽,只係點咗兩塊三文魚。

      刪除
  8. buffet唔係自己出去攞咩,使唔使一下叫咁多壽司,驚冇得食呀

    回覆刪除
    回覆
    1. 呢間用ipad點。賓賓係咁點又唔食喎。

      刪除
  9. 感覺似日式的中餐...
    只得壽司同碗礏有和風味!!

    回覆刪除
  10. 外國想食正宗日本嘢,食十間有九間都唔正宗。一睇餐牌如果有非日本食物,就知係偽日本餐廳,日本人做每一件事都好專注,唔會大堆頭整埋其他國家嘅食物。我剛啱發現新居附近有一間堅嘅日式料理呀!

    回覆刪除
    回覆
    1. 冇錯,睇餐牌已知正唔正宗。
      你就好啦,有間堅嘅喺附近。

      刪除
  11. 食乜唔重要,大家都係想傾計開心下啫。

    回覆刪除
  12. 王子,咁多飯好蝕下喎,哈哈哈!

    回覆刪除
    回覆
    1. 咪係囉,佢哋都唔識點食先回本。

      刪除
  13. 點解王子唔俾d意見㸃咩嘢食:P

    回覆刪除
    回覆
    1. Buffet嘛,自己點自己食㗎嘛。點知佢哋點埋畀我。

      刪除

入咗嚟,不如寫幾隻字,留個言啦.