兩房一廳

兩房一廳，呢度叫三房 ，因為客廳Wohnzimmer 係 Zimmer (房 )。初初睇地產廣告，我會問'咁 個廳呢 ?冇廳?'

呢度啲單位，入屋就係Vorraum (anteroom)，浴廁係分開。通常廁所冇窗，所以空氣清新劑好有市場。

唔可以呢樣唔可以嗰樣?

搭地鐵間唔中會有人賣藝，唱歌或彈手風琴、結他。仲會有人乞錢。睇落去呢啲人似外地黎，因為呢度本地人應該唔會乞錢，呢度失業救濟金幾好。有朋友試過攞每月1000 euro救濟金

講噃地鐵/ 公共交通，你唔會見到好多唔可以呢樣唔可以嗰樣嘅標誌，只有不准吸煙同狗戴口罩。咁有啲人會喺車廂飲食，但係大冇公德，搞到車廂污糟邋遢。

 

趁賣藝人行開偷影

優先席

呢度電車好似日本咁有'優先席'。通常呢個位會俾有BB 車嘅人坐。條膠帶俾你綁住架BB 車。俾我發現呢條帶嘅另一用途係牙痕膠，啲 BB黎到呢個位會將條膠放入口。

冇聖誕老人

奧地利聖誕習俗同德國一樣，佢地冇聖誕老人架。佢地有個類似嘅人Nikolaus (聽講聖誕老人係由Nikolaus演變出黎)。12月6號Nikolaus會送禮物 (生果、果仁、朱古力) 俾啲乖嘅小朋友。曳嘅小朋友會喺12月5號俾紅色魔鬼Krampus打。

咁玩具呢? 喺聖誕Christkind會送玩具俾小朋友。呢度冇Boxing Day，聖誕禮物喺聖誕就拆。

BTW St. Nikolaus 嘅墓喺土耳其。

高級超市

仍然行聖誕市集

口講話去聖誕市集去到悶。今日仍然去行聖誕市集，首先去最近屋企嘅Belvedere。可能太早 (10點幾)，好多檔口都未開。

跟住去舊城區Schottenkirche教堂出面嘅Altwiener Christkindlmarkt (Old Vienna Xmas Market)，呢度細細地但係幾有氣氛。唔知係咪近住教堂呢?

最後去埋兩個街口嘅 Weihnachtsmarkt am Hof。呢度分開唔同區域，玩具、手工藝...，仲有裝飾用馬槽、十字架...展出。有幾檔賣中古聖誕物品，幾似跳蚤市場。

最靚嘅快餐店

喺Kärntner Straße (主要遊客購物街）附近嘅Burger King我覺得係全維也納最靚嘅快餐店。佢保留咗古色古香嘅天花。

車上免費雜誌

呢度搭地鐵/ 火車除咗有免費報紙外，仲有免費雜誌(月刊)，suppose你睇完掛噃喺度。

講開又講，唔知呢度啲人冇公德，定係環保，啲人睇完份免費報紙就咁擺喺凳度或地下。跟住上車嘅人又會執黎睇。我仲見過有人喺垃圾桶執噃份報紙睇，當場嚇親，O  晒咀。

南法之旅: Castelnaudary

Castelnaudary係我地嘅終點站。呢度係一個小鎮，俾我嘅感覺好似意大利，破破舊舊。嗰度嘅風車Moulin du Cugarel係遊客必到嘅景點。於是去information問嗰度點去，跟住問佢呢度仲有乜嘢好做。佢介紹遊船河，我地呢個旅程已經遊飽，咪搞喇!

倒數聖誕

黎緊嘅禮拜日(Nov 30) Advent開始。花店呢個時候有好多Adventskranz賣。Adventskranz 係松葉環上面有四支蠟燭Adventkreze。Advent第一個禮拜點一支，第二個禮拜點兩支，如此類推，倒數到聖誕。

奧地利版歡樂滿東華

奧地利每年一度 (今年會兩度) 嘅籌款節目Licht ins Dunkel (Light in the dark)今日舉行。好似我地嘅歡樂滿東華咁，由早做到黑，但係冇藝人上山下海，只係歌星唱吓歌。

Karlsplatz聖誕市集

尋日路經Karlsplatz 嘅聖誕市集，行咗一圈，可能去得太多聖誕市集，已經覺得冇新意lu。

360維也納

Maria-Theresien Platz嘅聖誕市集

今日出開街，順便去埋喺 Maria-Theresien Platz嘅聖誕市集。呢個同附近嘅Rathausplatz聖誕市集比就細好多。但係Maria-Theresien Platz 係旅遊巴必停嘅地點，相信會有好多遊客到訪。今朝就見到泰國黎嘅旅行團。

南法之旅: Carcassonne

泊好船喺河邊後便步行往Carcassonne 嘅中世紀城堡。過咗幾日嘅船上生活，終於見到 '文明'喇。沿途見到有麥記、大小餐廳、購物街、好有親切感嘅 'HXBC'。

唔明解間銀行唔係開門做生意，入去要噤門鐘。唔通呢度罪案率好高?

行去城堡都幾遠吓，路上睇住啲黑雲飄緊黎。去到城堡時真係落狗屎。當然冇mood影相同行街 (城堡內有各式各樣嘅舖頭同餐廳)。走咗之後就雨過天晴，真係俾個天玩死。

回程去咗食pizza，因為有得上網。幾日冇上網喇!