超市習慣同香港唔同

呢度幾多超市選擇，有啲仲有獨家貨賣。

去超市首先BYOB。膠袋、紙袋 (yes, 紙袋，幾好力架)要錢買。

準備散銀，因為入錢先攞到車仔。車仔接受50 cents, 1 euro, 2 euro散銀。

有啲公司嘅小禮品係匙扣附有假散銀，冇散銀都可以用呢個假嘢攞車仔。

開始買嘢。呢度超市有樣好，所有嘢都列出每kg/ L幾錢，方便比較同一貨品唔同牌子嘅價錢。亞洲飲食文化已經打入主流。牙菜、豆腐、豉油、蠔油、米粉、即食麵、蝦片.....都可以喺普通超市搵到 (廉價超市小賣呢啲嘢)。

揀完嘢排隊俾錢。通常要等，因為一係淨係一個收銀處開 (外國朋友見到
c!tysuper 嘅single queue, 覺得呢個安排非常好)，一係收銀手腳慢，一係啲人俾錢手腳慢。呢度冇八達通，啲人慢慢數散銀。呢度超市多數唔收信用卡，但係有好似EPS 嘅系統。
終於到你，你要張所有嘢由車仔搬上收銀處。有時收銀會check 吓你個袋/手袋有冇收埋啲嘢。

俾咗錢，袋好晒啲嘢，記住泊好架車仔，攞噃車仔入面嘅銀仔。初初黎到，好多時唔記得。

註＞過咗咁多年,呢度ATM卡都可以嘟㗎喇。但係少見人用囉.另外check袋呢家嘢依家都少咗,可能啲市民知超市冇權咁做. 2016年1月updated.