郵局標誌有段古

歐洲郵局個標誌係個號角，原來有段古。

好耐好耐以前，要寄信，只有搵人拎去。路途遙遠嘅話隻馬頂唔住，半途死咗，咁就封信石沈大海。意大利貴族Thurn und Taxi諗到用驛站呢個方法。從此Thurn und Taxi包辦咗歐洲郵政服務。因為送信要快，郵差騎住馬，路上吹住號角，叫啲人死開，唔好阻住晒。所以號角代表郵政服務。

古仔講完。咁講吓呢度郵局服務。有一次要寄信 (歐洲以外: 1.40 euro)，我屋企有55 cents郵票，咁問佢有冇85cents 嘅郵票啦。佢話冇，叫我買1 euro郵票。冇計照買。返到屋企，越諗越唔對路。上網check 咋啦， 俾我發現原來有65 cents同10 cents郵票。1x65+2x10 咪得囉! 個死PK唔用個腦幫我砌。

另外一次去買10 cents郵票，個counter話冇 ( 呢度郵局係multi-queue) ，冇可能吖嘛，賴死唔走。佢死死地氣問隔離有冇，有! 咁我就要排過隔離條隊。頂!

市中心一間大郵局嘅博物館corner