免費餐

維也納地區選舉已經完結。某政黨喺拉票活動結束前例牌搞個造勢大會。

呢個活動乜人都可以嚟㗎。我當然要嚟支持吓啦。有免費酒水,薯仔goulash,兩款香腸選擇連包。乜都食勻,晚餐慳番唔使煮. 
雖然出到蛇齋餅粽但都賄賂唔到我一票，因為一早投咗畀另一政黨lu.  
選舉完結,佢哋勝出,又有慶祝活動。今次我冇去,但係話咗畀個friend知,佢就班馬出席.據講呢次有免費酒水同cold cut.

另外早早早前仲係夏天嘅時候我家附近個合法僭建物開幕。

呢條地鐵線係百幾年前喺明渠度起嘅。 我就唔明做乜唔索性封咗個明渠.

咁啱呢朝行過,見到有開幕禮。

乜個開幕禮咁低調，冇宣傳，我唔知嘅！
原來係有免費酒水食物供應.不請自來嘅人都歡迎任食. 呢日個lunch又慳番。

呢晚正式開幕活動中食物要自費喇。

 搞咗個silent disco

有DJ打碟，頭戴headphone起舞。唔會有噪音。