日式炸雞

維也納呢排冇乜活動，唯有繼續講煮飯。
摷本日本食譜出嚟其實係想整日式炸雞torikarage. 但係唔明本食譜個名咁古怪嘅。

我個version係冇用薑汁.首先連皮雞扒四塊用叉拮吓啲皮，切件。 用一湯匙豉油,一茶匙味醂醃醃。之後上粟粉炸.

個樣唔多似但係食味都接近。
炸開嘢順便幾件茄子食吓. 呢個唔係日式，係我行經呢度一間餐廳有,抄襲佢嘅。
btw 雞扒要去土耳其人超市先有.我好日都唔去嘅, 所以係自己起。工多藝熟，起雞扒已經唔覺難。